Ba’zilar uchun umr yo‘ldoshini topish juda qiyin bo‘lishi mumkin. Sevgilimni uchratolmay, butun hayotimni yolg‘iz o‘tkazaman deb o‘ylasangiz, adashasiz. 40 yoshdan oshganda oila qurib, baxtli hayot kechirayotganlar talaygina.
Amal Kluni
Amal Alamuddin oila qurmasidan avval mashhur advokat edi, uning aytishicha, u turmushga chiqishni xayoliga ham keltirmagan.
“Men hech qachon bunday bo‘ladi deb o‘ylamagan edim. Men tayyor emasdim, bu savol meni hech qachon qiziqtirmagan”.
2014-yilda huquq himoyachisi Jorj Kluni bilan unashtirilgani haqidagi xabar hammani hayratda qoldiradi. O‘sha paytda u 36 yoshda, aktyor esa 53 yoshda edi. Sevishganlar Venetsiyada nikohdan o‘tishadi. Uch yildan so‘ng egizaklari — Ella va Aleksandr dunyoga keladi. Er-xotin shaxsiy hayotlarini deyarli reklama qilmaydi, lekin qizil gilamga chiqishganda, ularning his-tuyg‘ularining samimiyligiga shubha yo‘q. Aftidan, bu juftlik kech turmush qurish o‘z yarmingizni topish uchun ajoyib imkoniyat ekanligini isbotladi.
Salma Hayek
Salma Hayek nafaqat mashhur biznesmenlardan, balki filmdan partnyorlaridan ham oila qurish taklifini olgan, lekin hech biriga rozilik bermagan. Hammasi 2006-yilda 39 yoshli yulduz dunyoning hashamatli kiyim-kechak brendlariga egalik qiluvchi Kering kompaniyasi bosh direktori Fransua-Anri Pino bilan tanishganida o‘zgardi. 3 yildan keyin er-xotin turmush qurishadi. Hayek turmush o‘rtog‘i haqida doim samimiy iliqlik va mehr bilan gapiradi va kech turmushga chiqqanidan umuman afsuslanmaydi. Biroq u eri bilan qanday tanishgani haqida gapirmaslikni afzal ko‘radi:
“Bu romantik, hayratlanarli hikoya, lekin bu meniki. Men o‘zimni qiziqarli qilib ko‘rsatish uchun uni yangilik hikoyasiga aylantirib, reklama qilishni xohlamayman”.
Sofiya Vergara
Sofiya Vergara va Jo Manganiello ilk bor 2014-yilning may oyida tanishgan, biroq o‘sha paytda aktrisa boshqaga unashtirilgandi. Jo Manganielloning tan olishicha, u Sofiyaga bir ko‘rishdayoq oshiq bo‘lgan, birovning qallig‘iga bu haqda aytishni o‘ziga ep ko‘rmagan. Biroq uning ajrashayotganini eshitgach, darhol uchrashuvga taklif qiladi. Olti oy o‘tgach, Manganiello sevgilisining qo‘lini so‘raydi (buning uchun u ispan tilini maxsus o‘rgangan). O‘g‘li Monolo rozi bo‘lgach, to‘y bir necha oydan keyin o‘tkaziladi. O‘sha paytda kelin 43, kuyov esa 39 yoshda edi. Yulduzli juftlik katta ziyofat uyushtiradi, unga oila yaqinlari, do‘stlar va hamkasblarini taklif qilishadi.
Megan Markl
Megan Markl bundan avval ham turmushga chiqqan, ammo bu nikoh uzoq davom etmaydi. Aytishlaricha, Markl karyerani tanlagan, nikoh uzugini pochta orqali eriga yuborgan. Keyinchalik 34 yoshli aktrisa shahzoda Garri bilan 2016-yilda tanishgan. Malika Diananing kichik merosxo‘ri Gollivud yulduzini hayratda qoldiradi. Bo‘ronli romantikani butun dunyo ommaviy axborot vositalari yoritadi, 2018-yilda ular turmush qurishadi. Boshdan kechirgan barcha qiyinchiliklarga qaramay ular hali ham birga.
Kemeron Diaz
Kemeron Diaz Jared Leto, Jastin Timberleyk va hatto Jey Loning sobiq eri Aleks Rodriges kabi ko‘plab mashhur bilan munosabatda bo‘lgan. To‘g‘ri, bu erkaklarning hech biri undan turmushga chiqishni talab qilmagan. Turmush qurish o‘rniga aktrisa karyerasi va sog‘lig‘iga e’tibor qaratishga qaror qiladi. 2014-yilda u Good Charlotte gitarachisi Benji Madden bilan tanishganida hammasi o‘zgaradi. Bir necha oy o‘tgach, 43 yoshli aktrisa unga turmushga chiqadi. Aynan shu kech nikoh unga hayotini qayta ko‘rib chiqishga va ayni paytda nimani xohlashini tushunishga imkon beradi — aktrisa tinch hayotni tanlab, Gollivudni tark etadi. 2020-yilda juftlik qiz farzand ko‘radi.
Priyanka Chopra
Priyanka Chopra Nik Jonas bilan tanishganida 35 yoshda, yigit esa 25 yoshda edi. Qo‘shiqchining sevgi iqrorlariga qaramay, Priyanka munosabatga kirishishni xohlamaydi — yosh farqi uni biroz qo‘rqitardi.
“Men kitobni muqovasiga qarab baholagandim”, — deb tan oladi u.
Biroq Jonas taslim bo‘lmoqchi emasdi — 2017-yilda juftlik Met Gala qizil gilamida paydo bo‘lib, mish-mishlarga sabab bo‘lishadi. 2018-yilda dastlab Amerika urf-odatlari bo‘yicha, so‘ngra hindlarnikiga ko‘ra marosim o‘tkazishdi. 2022-yilda er-xotin qizli bo‘ldi. Yulduzlar muntazam ravishda qizil gilamda birgalikda chiqib, kech nikoh va yosh farqi haqidagi barcha stereotiplarni yo‘q qiladi.
Nikol Kidman
Nikol Kidman Markus Grem, Lenni Kravits, Jud Lou bilan munosabatda bo‘lgan — bu ro‘yxatning kichik bir qismi xolos. Ko‘pchilik aktrisaning Tom Kruz bilan turmush qurganini eslaydi, ammo 10 yildan keyin er-xotin ajralishadi. Kidmanning hayoti 2005-yilda kantri-qo‘shiqchi Keyt Urban bilan uchrashgach, yaxshi tomonga o‘zgaradi. Olti oy o‘tgach, 38 yoshli yulduz qo‘shiqchiga turmushga chiqadi. Keytning ta’kidlashicha, uning hayoti ikkinchi turmushga chiqqanidan keyin boshlangan.
Izoh (0)