Qoraqalpog‘istonning Beruniy tumanida fuqarolarning 119,7 million so‘mlik soliq to‘lovlarini qo‘lga kiritgan DSI masʼul shaxslari qo‘lga olindi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Unga ko‘ra, holat Bosh prokuratura huzuridagi departamentning Beruniy tuman bo‘limi tomonidan fuqarolarning huquq va manfaatlarini himoya qilish yuzasidan o‘tkazilgan tergovga qadar tekshiruvda aniqlangan. Tuman DSI masʼul shaxslari 86 nafar fuqaroning mol-mulk va yer solig‘i uchun to‘langan jami 119,7 mln so‘mlik soliq to‘lovlarini bank kassasiga kirim qilmasdan, ularga qalbaki cheklar taqdim qilish orqali ushbu mablag‘larni firibgarlik yo‘li bilan qo‘lga kiritgani aniqlangan.
Mazkur holat yuzasidan Jinoyat kodeksining 168-moddasi (firibgarlik) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)