Toshkent shahar Yashnobod tumanida 2 qavatli uyda yong‘in sodir bo‘ldi. Bu haqda FVV axborot xizmati xabar berdi.
Unga ko‘ra, 7-avgust kuni soat 15:59 da Toshkent shahar Yashnobod tumani “Ibrat” MFY Chirchiq ko‘chasida joylashgan 2 qavatli uyda yong‘in sodir bo‘layotgani to‘g‘risida FVBga xabar kelib tushgan.
4 ta yong‘in-qutqaruv ekipaji soat 16:15 da voqea joyiga yetib borib, 16:49 da o‘rab olingan va soat 16:50 da o‘chirilgan. Yong‘in natijasida uyning, taxminan, 90 kvadrat metr maydonda tom qismi yonib zararlangan. Hodisa oqibatida tan jarohati olgan va halok bo‘lganlar yo‘q. Yong‘in sababi va moddiy zarar miqdori aniqlanmoqda.
Izoh (0)