Koreyalik xakerlar Rossiyaning raketalar ishlab chiqaruvchi korporatsiyasi tarmoqlarini buzib kirdi

Shimoliy koreyalik xakerlar ballistik va qanotli raketalar ishlab chiqaruvchi Rossiya korporatsiyasining kompyuter tarmoqlarini buzib kirdi.

Reuters xabariga ko‘ra, gap “NPO Mashinostroyeniya” haqida ketmoqda. Shimoliy Koreya hukumatiga aloqador ScarCruft va Lazarus kiber-josus guruhlari Moskva yaqinidagi Reutov shahrida joylashgan “NPO Mashinostroyeniye” tizimlariga yashirin ravishda raqamli “buzish tizimlari”ni o‘rnatgani xabar qilingan.

Shimoliy koreyalik xakerlarning elita guruhi o‘tgan yili besh oy davomida Rossiyaning eng yirik raketa ishlab chiqaruvchilardan birining kompyuter tarmoqlariga yashirincha kirib borgandi.

Xakerlar qanday ma’lumotlarni qo‘lga kiritgani haqida hozircha xabar berilmagan.