Dubayda Iroq samolyotining yuk bo‘limidagi qafasdan ayiq qochib ketdi. Bu haqda Al Arabia xabar berdi.
Mazkur hodisa parvozning kechikishiga sabab bo‘lib, yo‘lovchilarni g‘azablantirgan. Iroq bosh vaziri voqea yuzasidan tekshiruv o‘tkazishni buyurgan.
Iroq havo yo‘llari ayiqning qochib ketishida aviatashuvchi aybdor emasligini maʼlum qilgan. Ekipaj BAA rasmiylari bilan hamkorlik qilgani, ular ayiqni uxlatib, uni samolyotdan chiqarish uchun mutaxassislar yuborganini bildirgan. Bort kapitani reysning kechikishi uchun yo‘lovchilardan uzr so‘ragan.
“Ayiq Xalqaro havo transporti assotsiatsiyasi standartlariga muvofiq qonuniy ravishda tashilgan”, — deydi aviakompaniya.
Ayiq Iroq poytaxtiga olib borilishi kerak edi, uning egasi haqida ma’lumot berilmagan.
Bag‘dodda yirtqich yovvoyi hayvonlarni saqlash badavlat odamlar orasida juda mashhur bo‘lib ketgan. Shu bilan birga, Iroq rasmiylari yovvoyi hayvonlarni himoya qilish bo‘yicha qonuniy qoidalarni qo‘llashga intilmoqda.
Izoh (0)