Namanganda bola puli olib berish evaziga pul talab qilgan mahalla raisiga jinoyat ishi qo‘zg‘atildi. Bu haqda “O‘zbekiston 24” telekanalining “Vaziyat 24” dasturida ma’lum qilindi.
Unda aytilishicha, ayol o‘zining ikki nafar, dugonasining uch nafar voyaga yetmagan farzandlariga bolalar nafaqasini olish tartibini bilish maqsadida o‘zi yashaydigan mahalla raisi oldiga borgan. Mahalla raisi bola pulini budjetdan tashqari pensiya jamg‘armasi Namangan shahar bo‘limida ishlaydigan tanishi orqali olib berishni va’da qilgan va buning evaziga 1,3 million so‘m talab qilgan.
Ayol IIB ariza murojaat qilib, mahalla raisining harakati qonuniyligini tekshirish berishni so‘ragan. Ariza yuzasidan viloyat IIB tezkor-qidiruv xizmati Jinoyat-qidiruv boshqarmasi, Korrupsiya va iqtisodiy jinoyatlarga qarshi kurashish bo‘limi xodimlari tomonidan o‘tkazilgan tezkor tadbirda mahalla raisi ayoldan kimyoviy ishov berilgan 1,3 million so‘mni olganida ushlangan.
Holat yuzasidan Jinoyat kodeksining 168-moddasi 3-qismi “v” bandi (xizmat mavqeyidan foydalanib firibgarlik qilish) bilan jinoyat ishi qo‘zg‘atilgan bo‘lib, hozirda tergov harakatlari olib borilmoqda.
Izoh (0)