Jizzax viloyatida o‘tkazilgan test sinovlarida test kitobi varag‘ini yirtgan abituriyent imtihondan chetlatildi. Bu haqda Bilimni baholash agentligi axborot xizmati xabar berdi.
Unga ko‘ra, biologiya fanidan 45–60-test topshiriqlari aks etgan savollar kitobi 2-avgust kuni Jizzax viloyatida o‘tkazilgan test sinovlariga taalluqli bo‘lib, abituriyent test topshiriqlari kitobining varag‘ini yirtib, olib chiqib ketgani videokuzatuv orqali aniqlangan. Vazirlar Mahkamasining 2018-yil 3-apreldagi 261-son qarori bilan tasdiqlangan nizomning 52-bandiga muvofiq u test sinovidan chetlashtirildi.
Izoh (0)