Bugun, 1-avgustdan, 2023/2024-o‘quv yili uchun oliy ta’lim muassasalariga kirish test sinovlari boshlandi. Ijtimoiy tarmoqlarda mazkur imtihonga tegishli ekani aytilgan suratlar tarqaldi.
Bilimni baholash agentligi ijtimoiy tarmoqlarda tarqalgan suratlarga izoh berdi. Unga ko‘ra, test sinovlari boshlanishi bilan ayrim Telegram kanallar tomonidan test topshiriqlari kitobining rasmlari e’lon qilinib, bugun bo‘lib o‘tgan test sinovlariga tegishli ekanligi iddao qilindi. Internetdagi rasmlar bo‘yicha quyidagilar ma’lum qilindi:
1. Quyidagi test topshiriqlari kitobi 2023-yil 8-maydagi diagnostik test sinoviga taalluqli.
2. Quyidagi test topshiriqlari kitobi 2023-yil 23-fevraldagi diagnostik test sinoviga taalluqli.
3. Quyidagi test topshiriqlari kitobi 2022-yilda o‘tkazilgan test sinovlariga taalluqli.
4. Quyidagi test topshiriqlari kitobi aprobatsion test sinovlariga taalluqli.
5. Quyidagi test topshiriqlari kitobi ham aprobatsion test sinovlariga taalluqli.
“Xulosa qilib aytganda, ushbu test topshiriqlari kitoblarining hech biri bugun bo‘lib o‘tgan test sinovlariga tegishli emas”, — deyiladi agentlik xabarida.
Izoh (0)