Filmlarda tomoshabinlar qalbidan joy olgan qahramonlar turli sabablarga ko‘ra loyihani tark etishi mumkin. Masalan, aktyorlar gonorar yoki sog‘lig‘i bilan bog‘liq muammolar sabab unga mashhurlik keltirgan roldan voz kechgan holatlar ham mavjud. Quyida vafot etgani sababli o‘z rolini davom ettira olmagan mashhurlar haqida ma’lumot beriladi.
T’Challa — Chedvik Bouzman “Qora pantera”
T’Challa qahramoni Marvel kinematik olamida yorqin kelajakka ega bo‘lishi mumkin edi, sababi uning ishtirokidagi atigi bitta film tomoshabinlarga taqdim etilgan, qolganlarida u Stiv Rojers yoki Toni Stark kabi o‘zini ko‘rsatishga ulgurmagan. Biroq bu qahramonning hikoyasi kutilmaganda uzilib qoldi. Ma’lum bo‘lishicha, Chedvik yo‘g‘on ichak saratoni bilan kasallangan va aktyor buni “Qora pantera” filmining davomi va boshqa filmlarda paydo bo‘lishiga umid qilayotgan Marvel studiyalari rahbarlaridan yashirgan.
Chedvik 2020-yilda vafot etdi va oradan bir muncha vaqt o‘tgach, u yaratgan obrazning kelajagi haqida qaror qabul qilindi. Muxlislar kompyuter grafikasi yordamida T’Challa filmda qolishi va hatto Chedvik Bouzman o‘z rolida paydo bo‘lishidan qo‘rqdi, biroq rejissor ko‘pchilik xohlagan ishni qildi — T’Challa og‘ir kasal bo‘lib qoldi va Shuri uni davolamoqchi bo‘ldi, biroq bu ishning uddasidan chiqa olmadi.
Leya Organa — Kerri Fisher “Yulduzlar jangi: Skayuoker yuksalishi”
Kerri Fisher, Xarrison Ford, Entoni Deniels va boshqa aktyorlarning filmga qaytishi boshqa hech narsa bilan maqtana olmaydigan yangi “Yulduzlar jangi” trilogiyasi uchun haqiqiy g‘alaba edi. Lyuk Skayuoker personaj sifatida ssenariydan o‘chirildi va bu tomoshabinlarning tanqidiga sabab bo‘ldi. Xan Solo vafot etdi, bu esa Xarrison Fordni juda xursand qilgan voqea bo‘ldi, u trilogiyani suratga olish paytida Jorj Lukasdan o‘z obrazini o‘ldirishni ko‘p marta so‘ragan.
Yagona umid Leya edi, biroq uchinchi filmda ushbu obraz ham o‘ldirilishi kerak bo‘lgan, sababi ushbu rolni ijro etgan aktrisa Kerri Fisher vafot etgan. Shunisi e’tiborga loyiqki, dastlab Leya yangi trilogiyaning uchinchi filmida bosh rolni ijro etishi kerak edi, biroq aktrisaning o‘limi tufayli ssenariy tubdan o‘zgartirildi va oxirgi Skauoker deyarli butunlay yo‘q qilindi.
Igon Spengler — Xarold Remis “Sharpa ovchilari”
Dastlab “Sharpa ovchilari” filmining qayta ishlangan talqini namoyish etilishi haqida xabar tarqaldi. Qayta ishlangan film “ovchilar” emas, balki “ovchi ayollar” haqida bo‘lishi to‘g‘risida xabarlar paydo bo‘lganda muxlislarning hafsalasi pir bo‘ldi. Komediya oddiy hazillardan iborat bo‘lmaydi, bosh qahramonlarning taqdiri qiziqarli bo‘ladi, degan fikrlar ham bor edi, biroq ularning hech biri amalga oshmadi.
Tomoshabinlar filmning asl talqinidagi aktyorlarning loyihaga qaytishiga umid qilgan, ammo kinokartinadagi to‘liq aktyorlar tarkibi ekranlarda paydo bo‘la olmasdi, chunki “Sharpa ovchilari” chiqishidan ikki yil avval Igon Spengler rolini ijro etgan Xarold Ramis vafot etdi.
Shu bilan birga, rejissor aktyorga hurmat bilan munosabatda bo‘lib, filmdagi qahramonining bronza byustini namoyish etdi. 5 yildan so‘ng Igon “Sharpa ovchilari: Merosxo‘rlar” filmida sharpa qiyofasida paydo bo‘ldi.
Dok Hadson — “Antiqa poyga”
2000-yillar boshida ko‘plab boshqa mashhur multfilmlar singari “Antiqa poyga” ham mashhur aktyorlar ovoz bergan loyiha hisoblanadi. Richard Kind, Jeremi Klarkson, Maykl Kiton, Jorj Karlin, Chich Marin, Ouen Uilson va Pol Nyuman va boshqa mashhur aktyorlar loyihada qatnashgan. Pixar multfilmning ikkinchi qismida Dok Hadson bilan bog‘liq imkoniyatdan foydalanishga qaror qildi, chunki multfilm chiqqanda u 81 yoshda edi.
Oradan ikki yil o‘tgach, Dok Hadsonga ovoz bergan Pol Nyuman vafot etdi. Natijada birinchi multfilmda debyut qilgan Dok Hadson ikkinchisida ko‘rinmadi. Sujetga ko‘ra, u ham tinchgina vafot etgan. “Antiqa poyga”ning uchinchi qismidagi asosiy sujet chizig‘ining muhim qismi nafaqat Makkuinga, balki Kruz Ramirezga ham yordam bergan Dok Hadsonga bag‘ishlangan edi.
Izoh (0)