Turk aktyorlari orasida kinodagi karyerasidan oldin boshqa kasb bilan shug‘ullanganlari ham bor. Masalan, turk kinosida o‘z o‘rniga ega bo‘lgan Demet O‘zdemir raqqosa, Barish Arduch qutqaruvchi, Jan Yaman esa advokat bo‘lib ishlagan.
Halit Ergench — dengizchi bo‘lishni orzu qilgan
Ko‘p qirrali aktyor, “Muhtasham yuz yil” serialidagi Sulton Sulaymon roli bilan bo‘lgan Halit Ergench dengizchi bo‘lishni orzu qilgan. U hatto kemasozlik, dengizchilik va shunga o‘xshash narsalarni o‘rgangan. Biroq oradan ko‘p o‘tmay u texnika bilan bog‘liq fanlar uning ijodiy tabiatiga mos kelmasligini tushunib yetdi.
Halit dengizchi bo‘lish orzusidan voz kechdi va konservatoriyaga kirdi. U konservatoriyani bitirgandan kino olamga kirdi va aktyorlik faoliyatini boshladi. Biroq aktyor shu paytgacha bir nechta kasblarda o‘zini sinab ko‘rgan. U operator bo‘lib ishlagan, bundan tashqari marketologlik bilan ham shug‘ullangan. Shuningdek, u turkiyalik xonanda Pekan guruhidagi raqslarda ishtirok etgan.
Barish Arduch — 1000 kishini qutqargan
“Qarg‘a”, “Chuqur”, “Ijaradagi sevgi” turk seriallaridagi roli bilan tomoshabinlarga tanish bo‘lgan ajoyib aktyor Barish Arduch universitetda sport fakultetida tahsil olgan.
U kinodagi karyerasidan oldin sport bilan faol shug‘ullangan va hatto qutqaruvchi bo‘lib ishlagan. Aktyorning shu paytga qadar 1000 ga yaqin insonni qutqarganini aytdi. Bundan tashqari, Barish bir nechta xorijiy tillarda gaplasha oladi.
Jan Yaman — advokat bo‘lib ishlagan
Jan Yaman eng chiroyli turk aktyorlaridan biri va u mashhur “Erta uchgan qush” serialining yulduzi.
Jan kinodagi karyerasidan oldin advokat sifatida ishlagan. U shunchaki o‘yin-kulgi uchun aktyorlik kurslariga bordi va havaskor sifatida teatrda chiqishi qila boshladi. Biroq kunlarning birida do‘stlari Janni spektaklda ko‘rib qolishadi va uning ijrosidan qattiq ta’sirlanishganidan aktyorga kasbini o‘zgartirishni maslahat bera boshlashadi. Shundan keyin Jan hayotini kino bilan bog‘lashga qaror qiladi.
Demet O‘zdemir — raqqosa bo‘lishni xohlagan
Demet O‘zdemir — eng go‘zal turk aktrisalaridan biri. U bolaligidan raqqosa bo‘lishni orzu qilgan. Shuning uchun u ko‘p vaqt davomida raqs san’ati bilan shug‘ullandi va shuningdek teatr studiyasiga bordi. U doimiy ravishda kastinglarda ishtirok etdi va mashhur xonandalarning kliplarida rol o‘ynadi. Demetning taqdiri bir ziyofatda unga o‘zini kinoda sinab ko‘rishni taklif qilishganidan so‘ng o‘zgarib ketdi. Keyinchalik aktrisaga ko‘plab loyihalardan takliflar tushdi.
Izoh (0)