Фильмларда томошабинлар қалбидан жой олган қаҳрамонлар турли сабабларга кўра лойиҳани тарк этиши мумкин. Масалан, актёрлар гонорар ёки соғлиғи билан боғлиқ муаммолар сабаб унга машҳурлик келтирган ролдан воз кечган ҳолатлар ҳам мавжуд. Қуйида вафот этгани сабабли ўз ролини давом эттира олмаган машҳурлар ҳақида маълумот берилади.
ТъЧалла — Чедвик Боузман “Қора пантера”
ТъЧалла қаҳрамони Marvel кинематик оламида ёрқин келажакка эга бўлиши мумкин эди, сабаби унинг иштирокидаги атиги битта фильм томошабинларга тақдим этилган, қолганларида у Стив Рожерс ёки Тони Старк каби ўзини кўрсатишга улгурмаган. Бироқ бу қаҳрамоннинг ҳикояси кутилмаганда узилиб қолди. Маълум бўлишича, Чедвик йўғон ичак саратони билан касалланган ва актёр буни “Қора пантера” фильмининг давоми ва бошқа фильмларда пайдо бўлишига умид қилаётган Marvel студиялари раҳбарларидан яширган.
Чедвик 2020 йилда вафот этди ва орадан бир мунча вақт ўтгач, у яратган образнинг келажаги ҳақида қарор қабул қилинди. Мухлислар компьютер графикаси ёрдамида ТъЧалла фильмда қолиши ва ҳатто Чедвик Боузман ўз ролида пайдо бўлишидан қўрқди, бироқ режиссёр кўпчилик хоҳлаган ишни қилди — ТъЧалла оғир касал бўлиб қолди ва Шури уни даволамоқчи бўлди, бироқ бу ишнинг уддасидан чиқа олмади.
Лея Органа — Керри Фишер “Юлдузлар жанги: Скаюокер юксалиши”
Керри Фишер, Харрисон Форд, Энтони Дэниэлс ва бошқа актёрларнинг фильмга қайтиши бошқа ҳеч нарса билан мақтана олмайдиган янги “Юлдузлар жанги” трилогияси учун ҳақиқий ғалаба эди. Люк Скаюкоэр персонаж сифатида сценарийдан ўчирилди ва бу томошабинларнинг танқидига сабаб бўлди. Хан Соло вафот этди, бу эса Харрисон Фордни жуда хурсанд қилган воқеа бўлди, у трилогияни суратга олиш пайтида Жорж Лукасдан ўз образини ўлдиришни кўп марта сўраган.
Ягона умид Лея эди, бироқ учинчи фильмда ушбу образ ҳам ўлдирилиши керак бўлган, сабаби ушбу ролни ижро этган актриса Керри Фишер вафот этган. Шуниси эътиборга лойиқки, дастлаб Лея янги трилогиянинг учинчи фильмида бош ролни ижро этиши керак эди, бироқ актрисанинг ўлими туфайли сценарий тубдан ўзгартирилди ва охирги Скауокер деярли бутунлай йўқ қилинди.
Игон Спенглер — Харолд Ремис “Шарпа овчилари”
Дастлаб “Шарпа овчилари” фильмининг қайта ишланган талқини намойиш этилиши ҳақида хабар тарқалди. Қайта ишланган фильм “овчилар” эмас, балки “овчи аёллар” ҳақида бўлиши тўғрисида хабарлар пайдо бўлганда мухлисларнинг ҳафсаласи пир бўлди. Комедия оддий ҳазиллардан иборат бўлмайди, бош қаҳрамонларнинг тақдири қизиқарли бўлади, деган фикрлар ҳам бор эди, бироқ уларнинг ҳеч бири амалга ошмади.
Томошабинлар фильмнинг асл талқинидаги актёрларнинг лойиҳага қайтишига умид қилган, аммо кинокартинадаги тўлиқ актёрлар таркиби экранларда пайдо бўла олмасди, чунки “Шарпа овчилари” чиқишидан икки йил аввал Игон Спенглер ролини ижро этган Харолд Рамис вафот этди.
Шу билан бирга, режиссёр актёрга ҳурмат билан муносабатда бўлиб, фильмдаги қаҳрамонининг бронза бюстини намойиш этди. 5 йилдан сўнг Игон “Шарпа овчилари: Меросхўрлар” фильмида шарпа қиёфасида пайдо бўлди.
Док Ҳадсон — “Антиқа пойга”
2000 йиллар бошида кўплаб бошқа машҳур мултфильмлар сингари “Антиқа пойга” ҳам машҳур актёрлар овоз берган лойиҳа ҳисобланади. Ричард Кинд, Жереми Кларксон, Майкл Китон, Жорж Карлин, Чич Марин, Оуэн Уилсон ва Пол Нюман ва бошқа машҳур актёрлар лойиҳада қатнашган. Pixar мултфильмнинг иккинчи қисмида Док Ҳадсон билан боғлиқ имкониятдан фойдаланишга қарор қилди, чунки мултфильм чиққанда у 81 ёшда эди.
Орадан икки йил ўтгач, Док Ҳадсонга овоз берган Пол Нюман вафот этди. Натижада биринчи мултфильмда дебют қилган Док Ҳадсон иккинчисида кўринмади. Сюжетга кўра, у ҳам тинчгина вафот этган. “Антиқа пойга”нинг учинчи қисмидаги асосий сюжет чизиғининг муҳим қисми нафақат Маккуинга, балки Круз Рамирезга ҳам ёрдам берган Док Ҳадсонга бағишланган эди.
Изоҳ (0)