Ayol hayvonlarning sog‘lig‘i haqida ham qayg‘uradi: u veterinar bilan maslahatlashadi va agar kerak bo‘lsa, ularning ovqatlariga og‘riq qoldiruvchi vositalar qo‘shib beradi.
Shotlandiyalik Sheron Xyuz har kuni o‘rmondan ostonasiga ovqat uchun keladigan tulkilar oilasi bilan do‘stlashdi. Bu haqda The Mirror’ga tayangan holda “Pravila mag” nashri xabar bermoqda.
Hammasi 25 yil oldin Xyuz bog‘ida birinchi marta ikkita tulkini payqab qolib, ularga yegulik berishga qaror qilganida boshlangan. Ko‘p o‘tmay, ular ko‘pgina tulkilar bilan yana keladi, o‘shandan beri Sharon har kuni sakkizta hayvonga g‘amxo‘rlik qiladi. To‘g‘ri, endi u chorak asr oldin uchrashgan hayvonlarning avlodlariga ozuqa beradi.
“Bu tulkilarning to‘rtinchi avlodi. Men ularning bobo-buvilarini qanday ovqatlantirganimni eslayman, — deydi ayol.
Asosan Sharon hayvonlarni kolbasa va go‘shtli yeguliklar bilan mehmon qiladi, tulkilar ham kechki ovqatdan keyin ayol qoldirgan ovqatni iste’mol qilishdan mamnun. Masalan, pitssa, tuxum, xitoycha fastfud va tovuq oyoqlari ularning jon-u dili.
Sharon har bir “mehmon”ni tashqi ko‘rinishidan ajratib oladi. Ayol ularga laqablar qo‘yadi va tulkilar mezbonga javob qaytaradi. “Biz bir tulkini Dayson deb ataymiz, chunki u tom ma’noda ovqatni “yamlamay yutadi”. Karl o‘z laqabini uyimiz ostonasida birinchi marta toj kiyish marosimi kuni paydo bo‘lganidan keyin oldi”, — dedi u.
Bundan tashqari, Sheron tulkilar salomatligi haqida g‘amxo‘rlik qiladi. Agar ayol biror hayvonning oqsoqlanganini yoki nosog‘lom ko‘rinishini sezsa, kolbasa ichiga og‘riqsizlantiruvchi preparat yashiradi. Bordi-yu, nimadandir shubhalansa, u hayvonni suratga oladi va veterinar bilan maslahatlashadi.
Tulkilar ham minnatdorlik belgisi sifatida ko‘pincha o‘rmondan Sharonga “sovg‘a” olib kelishadi, masalan, sichqonlarni ostonada qoldirishadi.
Izoh (0)