Аёл ҳайвонларнинг соғлиғи ҳақида ҳам қайғуради: у ветеринар билан маслаҳатлашади ва агар керак бўлса, уларнинг овқатларига оғриқ қолдирувчи воситалар қўшиб беради.
Шотландиялик Шерон Хьюз ҳар куни ўрмондан остонасига овқат учун келадиган тулкилар оиласи билан дўстлашди. Бу ҳақда Тhe Mirror’га таянган ҳолда “Правила маг” нашри хабар бермоқда.
Ҳаммаси 25 йил олдин Хьюз боғида биринчи марта иккита тулкини пайқаб қолиб, уларга егулик беришга қарор қилганида бошланган. Кўп ўтмай, улар кўпгина тулкилар билан яна келади, ўшандан бери Шарон ҳар куни саккизта ҳайвонга ғамхўрлик қилади. Тўғри, энди у чорак аср олдин учрашган ҳайвонларнинг авлодларига озуқа беради.
“Бу тулкиларнинг тўртинчи авлоди. Мен уларнинг бобо-бувиларини қандай овқатлантирганимни эслайман, — дейди аёл.
Асосан Шарон ҳайвонларни колбаса ва гўштли егуликлар билан меҳмон қилади, тулкилар ҳам кечки овқатдан кейин аёл қолдирган овқатни истеъмол қилишдан мамнун. Масалан, пицца, тухум, хитойча фастфуд ва товуқ оёқлари уларнинг жон-у дили.
Шарон ҳар бир “меҳмон”ни ташқи кўринишидан ажратиб олади. Аёл уларга лақаблар қўяди ва тулкилар мезбонга жавоб қайтаради. “Биз бир тулкини Дайсон деб атаймиз, чунки у том маънода овқатни “ямламай ютади”. Карл ўз лақабини уйимиз остонасида биринчи марта тож кийиш маросими куни пайдо бўлганидан кейин олди”, — деди у.
Бундан ташқари, Шерон тулкилар саломатлиги ҳақида ғамхўрлик қилади. Агар аёл бирор ҳайвоннинг оқсоқланганини ёки носоғлом кўринишини сезса, колбаса ичига оғриқсизлантирувчи препарат яширади. Борди-ю, нимадандир шубҳаланса, у ҳайвонни суратга олади ва ветеринар билан маслаҳатлашади.
Тулкилар ҳам миннатдорлик белгиси сифатида кўпинча ўрмондан Шаронга “совға” олиб келишади, масалан, сичқонларни остонада қолдиришади.
Изоҳ (0)