Britaniyalik aktyor Idris Elba qurollangan shaxsning qurboni bo‘lishiga bir baxya qolgani haqida gapirib berdi.
Aktyorning so‘zlariga ko‘ra, u notanish qizga baqirib, o‘ldirish bilan qo‘rqitayotgan yigitni to‘xtatishga yordam bermoqchi bo‘lgan. Biroq, bu holat u uchun juda jiddiy muammoga aylanishi mumkin edi.
“Bir yigit rafiqasiga hujum qilib, uning yuziga qarata: ‘Men seni o‘ldiraman’ va shunga o‘xshash so‘zlarni aytib baqirayotgan edi. Men o‘yladim va unga: ‘Qarang, u qanchalik go‘zal. Nega bu go‘zal malika bilan bunday gaplashayapsiz?’, deb aytdim. U esa qurolni olib, yuzimga qo‘ydi va: ‘Sen mening sevgilim haqida gapiryapsanmi?’, — deb so‘radi. U holatni xato baholadi. Unga gap uqtirib bo‘lmasligini tushundim”, — dedi aktyor.
Idris Elba bu voqeaning yakuni qanday tugagani haqida gapirmagan, biroq u bu holatdan juda qo‘rqib ketganini qo‘shimcha qilgan.
Ma’lumot uchun, 50 yoshli aktyor 2019-yilda 35 yoshli kanadalik model Sabrina Daur bilan turmush qurgan. Juftlik Marokashning Marrakech shahrida dabdabali to‘y marosimini o‘tkazgan. To‘y uch kun davom etgan. Bu aktyorning uchinchi turmushi hisoblanadi.
Izoh (0)