Британиялик актёр Идрис Элба қуролланган шахснинг қурбони бўлишига бир бахя қолгани ҳақида гапириб берди.
Актёрнинг сўзларига кўра, у нотаниш қизга бақириб, ўлдириш билан қўрқитаётган йигитни тўхтатишга ёрдам бермоқчи бўлган. Бироқ, бу ҳолат у учун жуда жиддий муаммога айланиши мумкин эди.
“Бир йигит рафиқасига ҳужум қилиб, унинг юзига қарата: ‘Мен сени ўлдираман’ ва шунга ўхшаш сўзларни айтиб бақираётган эди. Мен ўйладим ва унга: ‘Қаранг, у қанчалик гўзал. Нега бу гўзал малика билан бундай гаплашаяпсиз?’, деб айтдим. У эса қуролни олиб, юзимга қўйди ва: ‘Сен менинг севгилим ҳақида гапиряпсанми?’, — деб сўради. У ҳолатни хато баҳолади. Унга гап уқтириб бўлмаслигини тушундим”, — деди актёр.
Идрис Элба бу воқеанинг якуни қандай тугагани ҳақида гапирмаган, бироқ у бу ҳолатдан жуда қўрқиб кетганини қўшимча қилган.
Маълумот учун, 50 ёшли актёр 2019 йилда 35 ёшли канадалик модел Сабрина Даур билан турмуш қурган. Жуфтлик Марокашнинг Марракеч шаҳрида дабдабали тўй маросимини ўтказган. Тўй уч кун давом этган. Бу актёрнинг учинчи турмуши ҳисобланади.
Изоҳ (0)