Avstraliyalik aktrisa CBS Sunday Morning ko‘rsatuviga bergan intervyusida birinchi katta miqdordagi gonorarini nimaga sarflagani haqida gapirib berdi. Ma’lum bo‘lishicha, u bu pulni o‘ziga emas, onasining 490 ming dollarlik ipoteka to‘lovini to‘lashga ishlatgan.
Margoning so‘zlariga ko‘ra, onasi Sari Kessler aktrisani doimo moliyaviy tomondan qo‘llab-quvvatlagan va shuning uchun u uzoq vaqt davomida to‘lanmagan qarzdan qutulishni niyat qilgan.
“Onam qarzdor bo‘lgan hamma narsani yozib oldim. U menga qarz berish uchun ipotekadan pul oldi. Oyi, endi bu ipoteka haqida qayg‘urmang u endi yo‘q, deyishni o‘yladim. Rostini aytsam, mening o‘rnimda bo‘lgan har bir kishi onasi uchun bu ishni qilgan bo‘lardi”, — deydi aktrisa.
Margoning onasi bu voqea 2014-yilda, u 60 yoshga to‘lgan kunida sodir bo‘lganini va u hali ham bu kunni “dunyodagi eng yaxshi kun” deb atashini aytdi.
Ma’lumot uchun, Margo Robbi 1990-yilning 2-iyul sanasida Avstraliyaning Dalbi shahrida tug‘ilgan. Robbi ishdan ham, qiyinchiliklardan ham qo‘rqmasdi. Gollivud osmonida Robbining yulduzi porlashi bilanoq u ona vatanida “Zolushka” laqabini olgan. U faoliyati davomida “O‘z joniga qasd qiluvchilar”, “Fokus”, “Xudkushlar guruhi”, “Tarzan: Afsona”, “Tonya barchaga qarshi”, “Ikki qirolicha” loyihalarida suratga tushgan.
Izoh (0)