26-iyul, chorshanba kuni Moskvada yog‘gan yomg‘ir so‘nggi ikki yuz yil ichida xuddi shu kuni kuzatilgan yog‘ingarchilik rekordini yangiladi. Rossiya poytaxtining ko‘chalarini suv bosdi.
Bir necha soat ichida Moskvada 46 millimetr yomg‘ir yog‘di. Bu 1894-yil, 26-iyulda qayd etilgan eng yuqori ko‘rsatkichdan baland, deb xabar berdi Moskva shahar ma’muriyati.
Ta’kidlanishicha, yog‘ingarchilikning asosiy qismi maxsus quvurlar tomonidan “yutilgan”. Biroq baʼzi hududlarda ko‘chalarni suv bosgan, suv sathi yo‘l bo‘ylab harakatlanayotgan avtomobillar oynasigacha ko‘tarilgan.
Shahar ma’muriyatining qo‘shimcha qilishicha, moskvaliklar uchun yaqin kunlarda yog‘ingarchilik tugashi kutilmayapti.
Avvalroq Hindistonda kuchli yomg‘irlar oqibatida kelib chiqayotgan suv toshqinlari tarixiy obidalarga zarar yetkazayotgani xabar qilingandi. Dunyoga mashhur Toj Mahal yaqinida daryo qirg‘og‘ida joylashgan bog‘ni sel yuvib ketgan. Bunday holat 45 yil ichida birinchi marta sodir bo‘ldi.
Afg‘onistonda esa Vardak viloyatida yuz bergan suv toshqinlari oqibatida 22 kishi halok bo‘lgan, 40 kishi bedarak yo‘qolgan.
Izoh (0)