Britaniyaning Daily Mail nashri Qrim-Kongo gemorragik isitmasi bilan kasallanish xavfi yuqori bo‘lgan davlatlar ro‘yxatini tuzdi, ular qatoridan O‘zbekiston ham o‘rin oldi.
Nashr shu orqali britaniyaliklarni kasallik yuqishi mumkin bo‘lgan davlatlardan ogohlantirdi. Markaziy Osiyo davlatlari orasida ro‘yxatda Qozog‘iston, Qirg‘iziston, Tojikiston va Turkmaniston ham bor.
Qrim-Kongo gemorragik isitmasi (QKGI) arbovirus qo‘zg‘atadigan, isitmalash, gemorragik alomatlar bilan kechadigan, tabiiy sharoitda transmissiv yo‘l bilan yuqadigan, tabiiy o‘choqli o‘ta xavfli yuqumli kasallik.
Undan o‘lim darajasi 10-40 foizni tashkil qiladi. Xavfli virus odam tanasiga kana chaqishi yoki kasallangan hayvon hamda odamlarning ochiq yarasi bilan aloqa qilish orqali kiradi.
“Kasallikning birinchi holati 2008-yilda Gretsiyada qayd etilgan, 2016-yildan Ispaniyada, 2009-yildan Gruziyada, 2011-yildan Hindistonda kuzatilgan”
Kasallikdan himoyalanish bo‘yicha 5 ta maslahat
- Kana bilan aloqa qilishdan saqlaning: infeksiyalangan kana chaqishi orqali kasallik uzatiladi. Shuning uchun kana tez-tez uchraydigan joylarda ehtiyot choralarini ko‘rish kerak.
- Ochiq havoda bo‘lganingizdan keyin kiyimingizni tekshiring: kiymingizdan kana topilsa, uni maxsus pinsetlar yoki boshqa vositalar yordamida imkon qadar tezroq olib tashlash kerak.
- Infeksiyalangan hayvonlar va ularning qoni bilan aloqa qilishdan saqlaning: virus hayvonlarning to‘qimalari bilan aloqa qilish orqali yuqishi mumkin. Shu sababli kasal hayvonlar bilan aloqa qilishdan qochish kerak
- Gigiyena choralariga rioya qiling: Qo'lingizni muntazam ravishda sovun bilan yuvish infeksiya tarqalishining oldini olish uchun muhim qadamdir.
- Simptomlardan ogoh bo‘ling: isitma, bosh og‘rig‘i, mushak og‘rig‘i, ko‘ngil aynishi, qusish va qon ketishi kabi belgilar paydo bo‘lsa, darhol shifokorga murojaat qiling. Kasallikni erta aniqlash va davolash sog‘ayish imkoniyatini sezilarli darajada oshiradi.
Izoh (0)