Yaponiya aholisi o‘tgan yili qariyb 800 mingga kamayib, 122,42 million kishiga yetdi. Bu ma’lumotlar Yaponiya Ichki ishlar va kommunikatsiyalar vazirligi tomonidan e’lon qilindi.
Mamlakat aholisi ketma-ket 14 yildan beri qisqarib kelmoqda, so‘nggi yillarda esa bu jarayon tezlashgan. 2022-yilda Yaponiyada 1,56 millionta o‘lim qayd etildi — bu statistika tarixidagi rekorddir. Bir vaqtning o‘zida tug‘ilganlar soni birinchi marta 800 mingdan past bo‘ldi — 771 ming.
Shuningdek, birinchi marta Yaponiyaning barcha 47 prefekturasida aholi soni kamaydi. Yana bir rekord – mamlakatda doimiy yashayotgan chet el fuqarolari sonining 10,7 foizga oshgani. Ularning soni qariyb 3 million kishiga yetdi. Chet elliklar sonini qo‘shganda ham, Yaponiya aholisi 511 ming kishiga kamayib, 125,42 million nafarga yetdi.
O‘tgan yili Yaponiyada 2023-yilga kelib bo‘sh turgan uylar soni 10 millionga yetishi ma’lum qilingandi. Bu birinchi navbatda mamlakat aholisining kamayishi bilan bog‘liq ekani ta’kidlangan.
Izoh (0)