AQSH sobiq prezidenti Barak Obamaning bedarak yo‘qolgan bosh oshpazi Tafari Kempbellning jasadi Martas-Vinyard orolidagi hovuzdan topildi. Massachusets shtati ma’muriyati hodisa yuzasidan surishtiruv ishlarini olib bormoqda, deb xabar berdi ABC News.
45 yoshli Tafari Kempbellning jasadini shtat politsiyasi g‘avvoslari hovuzdan topgan.
AQSH sobiq birinchi xonimi Mishel Obama Tafari “oilaning sevimli a’zosi” bo‘lganini aytdi.
“U Oq uyda mohir oshpaz edi — ijod va taomni birlashtirib yuborardi. Keyingi yillarda biz uni hayotimizni yorqinroq qilgan qiziqarli, mehribon inson sifatida ko‘rdik”, — deydi Obama xonim.
AQSH sobiq prezidentining oilasi Oq uyni tark etganidan keyin Kempbelldan ular uchun ishlashni davom ettirishni so‘ragan, oshpaz rozi bo‘lgan.
Politsiyaning aytishicha, Kempbell vafot etgan vaqtda Barak Obama uyda bo‘lmagan.
Izoh (0)