Navoiy viloyati Karmana tumanida mast haydovchi boshqaruvida bo‘lgan Nexia-3 avtomobili spirtli ichimliklar do‘koniga borib urildi.
Ma’lum qilinishicha, 15-iyulga o‘tar kechasi tonggi soat 03:30 larda buxorolik 37 yoshli fuqaro Nexia-3 mashinasida Navoiy shahri ko‘chalarida yo‘l harakati qoidalarini bir necha bor qo‘pol tarzda buzib o‘tgani kuzatuv kameralariga muhrlangan.
Shuningdek, u Karmana tumani hududidan o‘tgan xalqaro ahamiyatga ega M-37 avtomobil yo‘lining chorrahasida svetaforning qizil chirog‘ida o‘tib, Cobalt bilan to‘qnashgan. Bundan tashqari, yuqori tezlikda harakatlangan haydovchi boshqaruvni yo‘qotib, shu atrofda joylashgan spirtli ichimliklar sotiladigan do‘konga borib urilgan.
Holatga aniqlik kiritish maqsadida voqea joyiga yetib borgan YPX xodimlari haydovchini alkotester tekshiruvidan o‘tkazgan va uning mast holatda bo‘lgani aniqlangan. Avtomobil ichida haydovchining oila aʼzolari ham bo‘lgani aytilmoqda.
Izoh (0)