O‘zbekistonda yilning birinchi yarim yilligida ko‘p qavatli uylarga xizmat ko‘rsatuvchi boshqaruv organlari tomonidan 8 milliard so‘m mablag‘lar maqsadsiz sarflangan. Bu haqda Qurilish va uy-joy kommunal xo‘jaligi vazirligi axborot xizmati xabar berdi.
Aholi murojaatlariga asosan 2023-yilning birinchi yarim yilligida Qurilish va uy-joy kommunal xo‘jaligi sohasida nazorat qilish inspeksiyasi tomonidan ko‘p kvartirali uylarga xizmat ko‘rsatuvchi 200 ga yaqin boshqaruv tashkilotlari faoliyati o‘rganildi. Shundan:
- 47 ta uy-joy mulkdorlari shirkati tomonidan 4,5 milliard so‘m mablag‘ maqsadsiz sarflangani;
- 31 ta boshqaruv servis kompaniyasi (BSK) tomonidan 3,5 milliard so‘m mablag‘i maqsadsiz sarflangani aniqlandi.
Aniqlangan qonunbuzilish holatlari yuzasidan to‘plangan hujjatlar huquqni muhofaza qiluvchi organlarga yuborilgan.
Izoh (0)