Surxondaryoda g‘alladan bo‘shagan yer maydonlarini yoqib yuborganlar javobgarlikka tortilmoqda. Bu haqda viloyat Ekologiya boshqarmasi axborot xizmati xabar berdi.
Unga ko‘ra, Ekologiya boshqarmasining tezkor guruhi tomonidan Qumqo‘rg‘on tumanida o‘tkazilgan nazorat tadbirlari davomida bir qancha fermer xo‘jaliklariga tegishli dalalarda g‘alladan bo‘shagan yer maydonlarini yoqib yuborganlik holatlari aniqlandi. Jumladan, Qumqo‘rg‘on tumanida faoliyat yuritayotgan “Bo‘ston Firdavs” fermer xo‘jaligiga qarashli g‘alladan bo‘shagan 10 gektar yer maydoni takroriy ekin ekish maqsadida yoqib yuborilgan.
Mazkur holatga yo‘l qo‘ygan fermer xo‘jaligi rahbari F.Safarovga nisbatan Ma’muriy javobgarlik to‘g‘risidagi kodeksning 88-moddasi 3-qismiga asosan ma’muriy bayonnoma rasmiylashtirildi. Ushbu holatda tuproq unumdorligiga 21 million 286 ming 980 so‘m zarar yetkazilgan.
Tumandagi “Hojimurod Mamatrayim” fermer xo‘jaligiga tegishli g‘alladan bo‘shagan 10 gektar yer maydoni takroriy ekin ekish maqsadida yoqib yuborilgan. Mazkur holatda fermer xo‘jaligi rahbari F.Mamatrayimovga nisbatan Ma’muriy javobgarlik to‘g‘risidagi kodeksning 88-moddasi 3-qismiga asosan ma’muriy bayonnoma rasmiylashtirildi. Ushbu holat bilan tuproq unumdorligiga 17 million 548 ming 113 so‘m zarar yetkazilgan.
Navbatdagi reyd tadbirlari davomida “Elsevar Nurli Zamin“ fermer xo‘jaligida ham g‘alladan bo‘shagan, 5 gektar yer maydoni takroriy ekin ekish maqsadida yoqib yuborilgani aniqlandi. Mazkur holat yuzasidan fermer xo‘jaligi rahbari U.Toshtemirovga nisbatan Ma’muriy javobgarlik to‘g‘risidagi kodeksning 88-moddasi 3-qismiga asosan ma’muriy bayonnoma rasmiylashtirildi. Bu holat bilan tuproq unumdorligiga 8 million 774 ming 055 so‘m zarar yetkazilgan.
Reyd tadbirlari davomida ana shunday holatlarning navbatdagisi “Kakaydi paxtakor” fermer xo‘jaligida ham kuzatildi. O‘rganishlar davomida fermer xo‘jaligiga qarashli g‘alladan bo‘shagan 10 gektar yer maydoni takroriy ekin ekish maqsadida yoqib yuborilgani aniqlandi. Mazkur holat yuzasidan fermer xo‘jaligi rahbari I.Ernazarovga nisbatan Ma’muriy javobgarlik to‘g‘risidagi kodeksning 88-moddasi 3-qismiga asosan ma’muriy bayonnoma rasmiylashtirildi. Bu holat bilan tuproq unumdorligiga 17 million 520 ming 822 so‘m zarar yetkazilgan.
Keyingi holat “Eshqobil Hojimurod” fermer xo‘jaligida aniqlandi. O‘rganishlar davomida fermer xo‘jaligiga qarashli g‘alladan bo‘shagan 13 gektar yer maydoni takroriy ekin ekish maqsadida yoqib yuborilgan. Mazkur holat yuzasidan fermer xo‘jaligi rahbari E.Qosimovga nisbatan Ma’muriy javobgarlik to‘g‘risidagi kodeksning 88-moddasi 3-qismiga asosan ma’muriy bayonnoma rasmiylashtirildi. Bu holat bilan tuproq unumdorligiga 27 million 918 ming 690 so‘m zarar yetkazilgan.
Navbatdagi reyd tadbirlari davomida “Zilola-Ruslan” fermer xo‘jaligiga qarashli, g‘alladan bo‘shagan, 7 gektar yer maydoni takroriy ekin ekish maqsadida yoqib yuborilgani aniqlandi. Mazkur holat yuzasidan fermer xo‘jaligi rahbari B.Qurbonovga nisbatan Ma’muriy javobgarlik to‘g‘risidagi kodeksning 88-moddasi 3-qismiga asosan ma’muriy bayonnoma rasmiylashtirildi. Bu holat bilan tuproq unumdorligiga 13 million 028 ming 722 so‘m zarar yetkazilgan.
Qumqo‘rg‘on tumanida aniqlangan g‘alladan bo‘shagan yer maydonlarini yoqib yuborganlik holati bo‘yicha tabiatga yetkazilgan zarar umumiy hisob-kitob qilinganda 106 million 074 mingni tashkil etdi. Nazorat tadbirlari viloyat bo‘ylab davom etmoqda.
Izoh (0)