Ўзбекистонда йилнинг биринчи ярим йиллигида кўп қаватли уйларга хизмат кўрсатувчи бошқарув органлари томонидан 8 миллиард сўм маблағлар мақсадсиз сарфланган. Бу ҳақда Қурилиш ва уй-жой коммунал хўжалиги вазирлиги ахборот хизмати хабар берди.
Аҳоли мурожаатларига асосан 2023 йилнинг биринчи ярим йиллигида Қурилиш ва уй-жой коммунал хўжалиги соҳасида назорат қилиш инспекцияси томонидан кўп квартирали уйларга хизмат кўрсатувчи 200 га яқин бошқарув ташкилотлари фаолияти ўрганилди. Шундан:
- 47 та уй-жой мулкдорлари ширкати томонидан 4,5 миллиард сўм маблағ мақсадсиз сарфлангани;
- 31 та бошқарув сервис компанияси (БСК) томонидан 3,5 миллиард сўм маблағи мақсадсиз сарфлангани аниқланди.
Аниқланган қонунбузилиш ҳолатлари юзасидан тўпланган ҳужжатлар ҳуқуқни муҳофаза қилувчи органларга юборилган.
Изоҳ (0)