Toshkent metrosida 2016-yilda kuniga 160 ming yo‘lovchi tashilgan bo‘lsa, hozirda bu raqam 620-630 mingga yetgan. Bu haqda Toshkent shahar hokimligi “Daryo”ga ma’lum qildi.
Toshkent metrosida 2016-yilda kuniga 160 ming yo‘lovchi tashilgan. 2020-yilga kelib bu ko‘rsatkich 240-280 mingga yetgan. Yo‘lovchilar yildan yilga ko‘payib, o‘tgan 2022-yilda kunlik 500-550 ming nafarni tashkil etgan. So‘ngi hisob-kitoblarga qaraganda, metropoliten 2023-yilning birinchi yarim yilligida bir kunda 620-630 ming yo‘lovchini o‘z manziliga yetkazmoqda.
“Toshkent metropoliteni ishga tushganidan buyon o‘tgan 46 yil davomida yo‘nalishlari bittadan to‘rttaga ortdi. Uzunligi 12,3 kilometrdan 67,2 kilometrga yetdi. Bekatlari soni 9 tadan 48 taga oshdi. Bekatlarning 31 tasi yer ostida va 17 tasi yer ustida joylashgan”, — deyiladi manba ma’lumotida.
Hozir poytaxtda “Yer usti halqa yo‘li” yo‘nalishining davomi sifatida yana 2 ta bekat qurilmoqda. Bu bilan metro yo‘lining umumiy uzunligi 70 kilometrdan ortishi rejalashtirilgan.
Izoh (0)