Тошкент метросида 2016 йилда кунига 160 минг йўловчи ташилган бўлса, ҳозирда бу рақам 620-630 мингга етган. Бу ҳақда Тошкент шаҳар ҳокимлиги “Дарё”га маълум қилди.
Тошкент метросида 2016 йилда кунига 160 минг йўловчи ташилган. 2020 йилга келиб бу кўрсаткич 240-280 мингга етган. Йўловчилар йилдан йилга кўпайиб, ўтган 2022 йилда кунлик 500-550 минг нафарни ташкил этган. Сўнги ҳисоб-китобларга қараганда, метрополитен 2023 йилнинг биринчи ярим йиллигида бир кунда 620-630 минг йўловчини ўз манзилига етказмоқда.
“Тошкент метрополитени ишга тушганидан буён ўтган 46 йил давомида йўналишлари биттадан тўрттага ортди. Узунлиги 12,3 километрдан 67,2 километрга етди. Бекатлари сони 9 тадан 48 тага ошди. Бекатларнинг 31 таси ер остида ва 17 таси ер устида жойлашган”, — дейилади манба маълумотида.
Ҳозир пойтахтда “Ер усти ҳалқа йўли” йўналишининг давоми сифатида яна 2 та бекат қурилмоқда. Бу билан метро йўлининг умумий узунлиги 70 километрдан ортиши режалаштирилган.
Изоҳ (0)