“Xiva — 2024-yilda islom dunyosining turizm poytaxti” xalqaro tadbiriga tayyorgarlik ko‘rish va uni o‘tkazish chora-tadbirlari to‘g‘risidagi prezident qarori qabul qilindi. Bu haqda Telegram’dagi “Huquqiy axborot” kanali xabar berdi.
Qarorga ko‘ra, 2024-yil Xivada:
- martda “Xiva – 2024-yilda islom dunyosining turizm poytaxti” xalqaro tadbiri;
- may oyida Islom hamkorlik tashkilotiga aʼzo davlatlar turizm vazirlarining XII sessiyasi o‘tkaziladi.
2023–2024-yillarda quyidagi tadbirlar tashkil etiladi:
- Taste of Uzbekistan Festival shiori ostida gastronomik festival;
- Pahlavon Mahmud xotirasiga bag‘ishlangan Strongmen xalqaro bahodirlar musobaqasi;
- “Xalqaro ziyorat turizmi haftaligi” doirasidagi tadbirlar.
Shuningdek, xalqaro tadbir logotipi hamda Xiva shahri haqida o‘zbek, rus, ingliz, arab va fransuz tillarida qo‘llanma ishlab chiqiladi.
2023-yil oktabrda Islom hamkorlik tashkilotiga aʼzo davlatlarning turistik tashkilotlari, OAV vakillari, blogerlarni jalb qilgan holda Xorazm viloyati bo‘ylab infotur tashkil etiladi.
Eslatib o‘tamiz, 2019-yilda “Ichan qal’a”ning “Ko‘hna Ark” maydonida Pahlavon Mahmud nomidagi I xalqaro bahodirlar o‘yinlari o‘tkazilgandi. Xalqaro nomlanishi Strongmen deb ataluvchi ushbu musobaqa Hindiston, Eron, Turkiya, Pokiston, Latviya, Rossiya kabi 20 mamlakatdan jahonning eng kuchli polvonlari ishtirok etgan. 2022-yilda esa Xiva shahrida “Pakhlavon Makhmud — Strongmen Games” II Xalqaro turniri bo‘lib o‘tishi aytilgan edi.
Izoh (0)