Afina shahri markazida, Gretsiyaning Buyuk mason lojasi binosi yonida portlovchi qurilma ishga tushdi, deb xabar berdi mamlakatning ERT jamoat televideniyesi.
“Jabrlanganlar yo'q, faqat moddiy zarar yetkazildi. Portlovchi mexanizm qoldiqlari topildi”, — deyiladi xabarda.
Ikkinchi bomba boshqariladigan portlash natijasida zararsizlantirildi. Voqeadan oldin ogohlantirish qo‘ng‘irog‘i bo‘lgani aytilmoqda.
“Tekshiruv davomida bino ichidan shubhali quti topildi, u Portlamagan bombalarni zararsizlantirish boshqarmasi mutaxassislari tomonidan tekshirildi. Qutida portlovchi moslama borligi aniqlandi va boshqariladigan portlash amalga oshirildi”, — deyiladi ERT jamoat televideniyesi xabarida.
Masonlar lojasi binosi Axarnon va Surmeli ko‘chalari o‘rtasida joylashgan bo‘lib, portlash ertalab mahalliy vaqt bilan soat 06:30 da sodir bo‘lgan. Yuzaga kelgan yong‘in o‘t o‘chiruvchilar tomonidan o‘chirildi.
Proto Tema gazetasining xabar berishicha, portlovchi qurilma qo‘lbola bo‘lib, portlash quvvati past bo‘lgan.
Izoh (0)