Buxoro viloyati Shofirkon tumanida o‘zgaga qasddan OIV infeksiyasini yuqtirgan shaxs aniqlandi. Bu haqda Buxoro IIB matbuot xizmati xabar berdi.
Ma’lum qilinishicha, 1972-yilda tug‘ilgan T.Sh. ismli shaxs 2018-yil 29-mart kuni viloyat OITSga qarshi kurashish markazi xodimlari tomonidan OIV infeksiyasini yuqtirib olgan shaxs sifatida ro‘yxatga olinib, “OIV to‘g‘risida”gi qonun bilan tanishtirilib, o‘zining OIV statusini bilgan holda OIV infeksiyasini boshqa shaxslarga yuqtirganlik uchun jinoiy javobgarlikka tortilishi to‘g‘risida ogohlantirilib, tilxat olingan.
Shunga qaramasdan, o‘zining OIV infeksiyasiga chalinganini bila turib, 2022-yilning 23-fevralidan 2023-yilning iyunigacha o‘zi bilan birga qonuniy nikohsiz yashab kelayotgan, 1978-yilda tug‘ilgan T.N. bilan bir necha marotaba himoya vositalarisiz o‘zaro jinsiy aloqada bo‘lib, OIV infeksiyasini yuqtirgan.
Mazkur holat yuzasidan tuman IIB tomonidan T.Sh.ga nisbatan Jinoyat kodeksining 113-moddasi 4-qismi (o‘zida tanosil kasalligi borligini bila turib, bu kasalni boshqa shaxsga yuqtirish) bilan jinoyat ishi qo‘zg‘atilib, uning yana necha kishiga ushbu kasallikni yuqtirgani yoki yuqtirish xavfi ostida qoldirgani bo‘yicha tezkor surishtiruv hamda tergov harakatlari olib borilmoqda.
Izoh (0)