Ukraina prezidenti Vladimir Zelenskiy Lutskda polshalik hamkasbi Anjey Duda bilan bo‘lajak NATO sammitini muhokama qildi. Bu haqda u o‘zining Twitter’ida yozdi.
“Biz Ukraina uchun eng yaxshi natijaga erishish maqsadida birgalikda ishlashga kelishib oldik”, — deb yozdi u.
Uning so‘zlariga ko‘ra, tomonlar NATOning Vilnyus sammiti arafasida o‘z pozitsiyalarini muvofiqlashtirgan.
NATO sammiti 11–12-iyul kunlari Vilnyusda bo‘lib o‘tadi. NATO bosh kotibi Yens Stoltenberg sammit arafasidagi matbuot anjumani chog‘ida Vilnyusda bo‘lib o‘tadigan anjumanda Ukrainani NATOga yaqinlashtiradigan ko‘p yillik yordam paketi tasdiqlanishini aytib o‘tgandi.
Polsha prezidenti Anjey Duda esa sammitda Ukraina soddalashtirilgan tartib asosida NATOga qabul qilinishiga umid bildirgandi.
Izoh (0)