Foto: O‘shda ochilgan O‘zbekiston bosh konsulxonasida bo‘lib o‘tgan prezident saylovi

Qirg‘izistonning O‘sh shahrida faoliyatini boshlagan O‘zbekiston bosh konsulxonasida prezident saylovi uchun ovoz berish jarayonlari bo‘lib o‘tdi. Bu haqda “Daryo” muxbiri Azizbek Abduvaliyev xabar bermoqda.

Mutasaddilarning “Daryo”ga maʼlum qilishicha, saylovda O‘sh shahri, Jalolobod va Botken viloyatlarida vaqtincha bo‘lib turgan O‘zbekiston fuqarolari ishtirok etgan.

Ular asosan talabalar va qo‘shni davlatda mehnat faoliyatini olib borayotgan o‘zbekistonliklardan iborat.

Bosh konsulxonadagi saylov jarayoniga tayyorgarlik ko‘rish va o‘tkazishda O‘zbekiston yoshlari umumjahon assotsiatsiyasining Qirg‘izistondagi vakilligi jamoasi ham faol ishtirok etgani aytilmoqda.