Navoiyda 36 nafar masʼul shaxsga nisbatan 118 million 500 ming so‘m miqdorda jarima qo‘llandi. Bu haqda viloyat Ekologiya boshqarmasi axborot xizmati xabar berdi.
Unga ko‘ra, Navoiy viloyati Ekologiya boshqarmasining davlat inspektorlari tomonidan “Yashil makon” umummilliy loyihasi doirasida ekilgan daraxt va buta ko‘chatlarning holati yuzasidan hududlarda 1-maydan 1-iyul kunlarida o‘rganish ishlari o‘tkazildi. O‘rganish davomida quyidagi hududlarda jumladan:
- Uchquduq tumanida 6 nafar;
- Karmana tumani 5 nafar;
- Xatirchi tumanida 5 nafar;
- Konimex tumanida 5 nafar;
- Qiziltepa tumanida 4 nafar;
- Navoiy shahrida 3 nafar;
- Zarafshon shahrida 3 nafar;
- Nurota tumani 2 nafar;
- Navbahor tumani 2 nafar;
- Tomdi tumani 1 nafar masʼul tomonidan hududlarda 2022-yil kuz va 2023-yil bahor mavsumi davomida ekilgan daraxt ko‘chatlari parvarishiga eʼtibor qilmagani va sug‘orilmagani aniqlandi.
Foto: Navoiy viloyat Ekologiya boshqarmasi axborot xizmati
Ushbu holat yuzasidan ekilgan daraxt ko‘chatlarini o‘z vaqtida sug‘ormagani va agrotexnik tadbirlarni amalga oshirmagani oqibatida qurib qolgani uchun hududlardagi 36 nafar masʼulga nisbatan davlat inspektorlar tomonidan Ma‘muriy javobgarlik to‘g‘risidagi kodeksning 79-moddasi 3-qismi bilan maʼmuriy bayonnoma rasmiylashtirilib, 118 million 500 ming so‘m miqdorda jarima belgilandi.
Izoh (1)
Savodsizlar, õqimaganlar