Навоийда 36 нафар масъул шахсга нисбатан 118 миллион 500 минг сўм миқдорда жарима қўлланди. Бу ҳақда вилоят Экология бошқармаси ахборот хизмати хабар берди.
Унга кўра, Навоий вилояти Экология бошқармасининг давлат инспекторлари томонидан “Яшил макон” умуммиллий лойиҳаси доирасида экилган дарахт ва бута кўчатларнинг ҳолати юзасидан ҳудудларда 1 майдан 1 июль кунларида ўрганиш ишлари ўтказилди. Ўрганиш давомида қуйидаги ҳудудларда жумладан:
- Учқудуқ туманида 6 нафар;
- Кармана тумани 5 нафар;
- Хатирчи туманида 5 нафар;
- Конимех туманида 5 нафар;
- Қизилтепа туманида 4 нафар;
- Навоий шаҳрида 3 нафар;
- Зарафшон шаҳрида 3 нафар;
- Нурота тумани 2 нафар;
- Навбаҳор тумани 2 нафар;
- Томди тумани 1 нафар масъул томонидан ҳудудларда 2022 йил куз ва 2023 йил баҳор мавсуми давомида экилган дарахт кўчатлари парваришига эътибор қилмагани ва суғорилмагани аниқланди.
Фото: Навоий вилоят Экология бошқармаси ахборот хизмати
Ушбу ҳолат юзасидан экилган дарахт кўчатларини ўз вақтида суғормагани ва агротехник тадбирларни амалга оширмагани оқибатида қуриб қолгани учун ҳудудлардаги 36 нафар масъулга нисбатан давлат инспекторлар томонидан Маъмурий жавобгарлик тўғрисидаги кодекснинг 79-моддаси 3-қисми билан маъмурий баённома расмийлаштирилиб, 118 миллион 500 минг сўм миқдорда жарима белгиланди.
Изоҳ (1)
Savodsizlar, õqimaganlar