Fransiyada 27-iyundan beri davom etayotgan tartibsizliklarda mingdan ortiq do‘kon va 200 dan ortiq savdo markazlari yoqib yuborildi va talon-toroj qilindi, dedi Fransiyaning iqtisodiyot, moliya, sanoat va raqamli suverenitet vaziri Bruno Le Mer.
Vazirning BFMTV telekanaliga aytishicha, "tartibsizliklar paytida 250 ta bank idorasi, 450 ta tamaki do‘koni, 200 ta savdo markazlari va 1 mingdan ortiq do‘konlarga hujum uyushtirilgan".
Unga ko‘ra, tartibsizliklar harakatidan jabr ko‘rgan tadbirkorlar ijtimoiy va soliq to‘lovlarini to‘lash muddatini kechiktirishlari mumkin bo‘ladi. Shuningdek, mamlakat hukumati tadbirkorlarga sug‘urta kompaniyalari bilan bog‘liq muammolarni hal qilishda yordam berish niyatida.
Avvalroq Fransiya politsiyasi tartibsizliklarda ishtirok etgan 70 dan ortiq kishini qo‘lga olgani ma’lum bo‘lgan edi.
Tartibsizliklar 28-iyunga o‘tar kechasi Parij chekkasida boshlanib, keyin butun mamlakat bo‘ylab tarqaldi. Bunga mashina haydab ketayotgan 17 yoshli o‘smirning politsiyachi talabiga binoan to‘xtashdan bosh tortgani va otib o‘ldirilgani sabab bo‘ldi.
Huquq-tartibot idoralari voqeaning barcha holatlarini aniqlash uchun tergov boshladi. O‘smirni otgan politsiyachi hibsga olindi. U qasddan odam o‘ldirishda ayblanmoqda.
Izoh (0)