Texasning Fort-Uert shahrida kechasi sodir bo‘lgan otishmada kamida uch kishi halok bo‘ldi, sakkiz kishi jarohatlandi. Bu haqida CNN politsiya bayonotiga tayanib xabar bermoqda.
“Bizda otishma sodir bo‘ldi. Bir nechta qurbonlar bor”, deya shahar politsiya bo‘limi kapitani Shon Myurreydan iqtibos keltirdi telekanal.
Politsiyachining qo‘shimcha qilishicha, otishma natijasida jabrlanganlar kasalxonaga yotqizilgan. Sodir bo‘lgan otishma jinoiy guruhlar to‘qnashuvimi, maishiy mojaro natijasimi yoki boshqa narsa bilan bog‘liqmi — bu haqida xulosa chiqarishga hali erta.
Telekanal avvalroq AQSHda shu tunda sodir bo‘lgan yana bir otishma haqida xabar bergan edi. Amerikaning Filadelfiya shahridagi tungi otishma natijasida besh kishi halok bo‘lib, sakkiz kishi yaralangan.
Izoh (0)