Parijda 17 yoshli o‘smirning politsiyachi tomonidan otib o‘ldirilishi ortidan boshlangan tartibsizliklar Fransiyaning yirik shaharlarida uch kundan beri davom etmoqda. 30-iyun, juma kuniga o‘tar kechasi politsiya 200 dan ortiq odamni hibsga olgani haqida xabar berdi. Fransiya bo‘ylab 40 ming politsiyachi joylashtirildi, deb yozadi Reuters.
Politsiya bilan to‘qnashuvlar 29-iyun oqshomida qayta avj oldi. Parijning g‘arbiy chekkasidagi Nanter shahrida namoyishchilar mashinalarga o‘t qo‘ydi, ko‘chalarni to‘sdi va politsiya bilan to‘qnashdi. Reyms va Po shahridagi politsiya bo‘limlariga hujum uyushtirildi, deyiladi BFMTV xabarida.
🇫🇷 ALERTE INFO - Des pillages sont en cours en plein cœur de Paris, au Forum de #Châtelet Les Halles. Une boutique Nike est prise pour cible. (témoins) #émeutes pic.twitter.com/8wiyT5UPsG
— Mediavenir (@Mediavenir) June 29, 2023
Marseldagi sayyohlik markazida namoyishchilar bilan to‘qnashuv chog‘ida politsiya ko‘zni yoshlatuvchi gaz granatalarini otdi, deydi La Provence shahar gazetasi. Parijdagi Shatle maydonida do‘konlar talon-taroj qilingan, politsiya bilan to‘qnashuvlar ham kuzatilgan. Poytaxtda kamida 14 kishi hibsga olingan. Nant shahrida avtomobil supermarketga bostirib kirgan.
BFMTV maʼlumotlariga ko‘ra, mahalliy vaqt bilan soat 2.30 ga qadar 255 kishi politsiya uchastkalariga olib ketilgan.
Milliy jandarmeriya “jamoat tartibini saqlash” uchun yerda va havoda “barcha vositalarni” safarbar qilishga va’da berdi. Nanterda, Parijda va “zarur bo‘lgan hamma joyda” maxsus kuchlar safarbar qilinadi, dedi metropoliten politsiyasi.
La gendarmerie mobilise tous ses moyens, au sol et dans les airs, de jour comme de nuit, pour maintenir l'ordre public et prévenir les troubles.@Interieur_Gouv pic.twitter.com/giqCjjnwtD
— Gendarmerie nationale (@Gendarmerie) June 29, 2023
Tartibsizliklar 17 yoshli o‘smirning o‘ldirilishi ortidan boshlandi
Tartibsizliklar 28-iyunga o‘tar kechasi Parij chekkasida boshlanib, undan tashqariga ham tarqaldi. Bunga mashina haydab ketayotgan 17 yoshli o‘smirning politsiyachi talabiga binoan to‘xtashdan bosh tortgani va otib o‘ldirilgani sabab bo‘ldi. Huquq-tartibot idoralari voqeaning barcha holatlarini aniqlash uchun tergov boshladi. O‘smirni otgan politsiyachi hibsga olindi. U qasddan odam o‘ldirishda ayblanmoqda.
Izoh (0)