Калифорния жанубида сайёҳлик мавсуми бошланиши билан меҳмонхона ишчиларининг оммавий иш ташлашлари бўлиб ўтди. 60 дан ортиқ меҳмонхонанинг 15 минг нафар ходими иш ҳақининг оширилиши ва қўшимча имтиёзларни талаб қилмоқда.
Иш ташлашларда ошпазлар, хизматкорлар, идиш ювувчилар, официантлар, ресепшн ходимлари иштирок этмоқда. Ҳозир улар соатига 20-25 доллар маош оладилар. Уларнинг талаби — иш ҳақини соатига яна 5 долларга кўтаришни, шунингдек, тиббий ёрдамни яхшилаш, пенсия бадалларини ошириш ва ишдаги юкламани камайтириш.
Касаба уюшмаси Лос-Анжелесда турар-жой нархининг ошишига қарши курашиш учун “Меҳмонхона ишчиларининг уй-жой фонди”ни яратишга интилмоқда. Ҳозирда кўплаб ходимлар иш жойига бориш учун бир неча соат сарфлашга мажбур бўлишмоқда, чунки улар меҳмонхонага яқин жойда яшашга қодир эмаслар.
40 дан ортиқ меҳмонхоналар коалицияси раҳбарияти музокараларда иштирок этишдан бош тортди ва иттифоқни туристик мавсум бошланишидан олдин вазиятни атайлаб кескинлаштирганликда айблади. Касаба уюшмаси иш ташлашни штат тарихидаги энг йирик иш ташлаш деб атади.
Изоҳ (0)