Toshkent shahrida 2-iyul soat 17:00 da aeroportga olib boruvchi ko‘prik vaqtincha yopildi. Bu haqda shahar hokimligi matbuot xizmati xabar berdi.
Ko‘prik Yakkasaroy tumani Bobur ko‘chasidagi yo‘l o‘tkazgichda qurilish-ta’mirlash ishlari olib borilayotgani sababli 3-iyul 06:00 ga qadar avtomobillar uchun yopiladi.
Bu vaqt oralig‘ida aeroportga Sergeli yo‘nalishidan Fayzli Toshkent ko‘chasi va TXAY orqali, Mirobod tumanidan Haydar Aliyev, Temiryo‘lchilar va Uchuvchilar ko‘chalari orqali kelish mumkin.
Shahar hokimligi yuzaga kelgan noqulayliklar uchun uzr so‘rab, haydovchilarga boshqa yondosh ko‘chalardan harakatlanishni tavsiya qildi.
Izoh (0)