Birlashgan Arab Amirliklari (BAA) shimolidagi Ajman shahrida osmono‘par turar joy binosi yonib ketdi, deb xabar berdi Fast News Network va Ematatalyoum nashrlari.
Guvohlar voqea joyidan olingan videolavhalarni internetga joyladi. Voqea joyida o‘t o‘chiruvchilar ishlagan. Halok bo‘lganlar va jarohatlanganlar haqida hozircha ma’lumotlar yo‘q.
Yong‘in Ajman One Tower turar joy majmuasida sodir bo‘lgan. U yerda oxirgi marta 2016-yilda yong‘in chiqqan edi. Majmuada 36 qavatli 12 ta bino joylashgan, ularda jami 3 ming xonadon mavjud.
Keyinroq Ajman News yong‘in nazoratga olingani haqida xabar berdi.
O‘tgan yili dunyodagi eng baland bino Burj Xalifa yonida joylashgan 35 qavatli binoda yong‘in chiqqan edi. AP agentligi maʼlumotlariga ko‘ra, yong‘in turar joy majmuasidagi xonadonlardan birida sodir bo‘lgan. Qurbonlar haqida ma’lumot berilmagan.
Izoh (0)