Бирлашган Араб Амирликлари (БАА) шимолидаги Ажман шаҳрида осмонўпар турар жой биноси ёниб кетди, деб хабар берди Fast News Network ва Ematatalyoum нашрлари.
Гувоҳлар воқеа жойидан олинган видеолавҳаларни интернетга жойлади. Воқеа жойида ўт ўчирувчилар ишлаган. Ҳалок бўлганлар ва жароҳатланганлар ҳақида ҳозирча маълумотлар йўқ.
Ёнғин Ajman One Tower турар жой мажмуасида содир бўлган. У ерда охирги марта 2016 йилда ёнғин чиққан эди. Мажмуада 36 қаватли 12 та бино жойлашган, уларда жами 3 минг хонадон мавжуд.
Кейинроқ Ajnan News ёнғин назоратга олингани ҳақида хабар берди.
Ўтган йили дунёдаги энг баланд бино Бурж Халифа ёнида жойлашган 35 қаватли бинода ёнғин чиққан эди. AP агентлиги маълумотларига кўра, ёнғин турар жой мажмуасидаги хонадонлардан бирида содир бўлган. Қурбонлар ҳақида маълумот берилмаган.
Изоҳ (0)