Google Pixel 8 va Pixel 8 Pro smartfonlari USB-C orqali monitor va televizorlarga ulash va shaxsiy kompyuter sifatida foydalanish imkonini beruvchi DisplayPort funksiyasiga ega bo‘ladi. Bu haqda AndroidAuthority nashri xabar bermoqda.
DisplayPort rejimida Pixel 8 va Pixel 8 Pro smartfonlari USB-C orqali nafaqat video, balki audioni ham uzata oladi. AndroidAuthority ushbu funksiyadan foydalanish istiqbollari “cheksiz” ekanligini yozdi.
Nashrning yozishicha, Google birinchi navbatda shaxsiy kompyuter o‘rniga smartfondan foydalanish imkoniyatini ko‘rib chiqmoqda. Piksel qurilmalari allaqachon klaviatura va sichqonchani qo‘llab-quvvatlaydi, shuning uchun ularni yengil ofis ishlarini amalga oshirish va media fayllarni ochish uchun ishlatish mumkin.
AndroidAuthority’ning yozishicha, smartfondan shaxsiy kompyuter sifatida foydalanish qulayroq bo‘lishi uchun Google ularga “ish stoli” rejimini integratsiya qilishi mumkin. U Samsung DexP’ga o‘xshab, Android interfeysini sichqoncha va klaviaturani boshqarish uchun moslashtirish imkonini beradi.
Izoh (0)