Gonkongda Cathay Pacific aviakompaniyasiga qarashli yo‘lovchi samolyoti shassi yorilishi oqibatida favqulodda qo‘nishni amalga oshirdi. Voqea natijasida 18 kishi jarohatlangan.
Gonkong—Los-Anjeles yo‘nalishi bo‘ylab harakatlangan Boeing 777-300 samolyoti Gonkong aeroportidan havoga ko‘tarilish vaqtida samolyotning qo‘nish moslamalaridan biri haddan tashqari qizib ketgan va shassi yorilgan. Shundan so‘ng ekipaj aeroportga qaytishga qaror qildi.
Qo‘ngandan so‘ng ekipaj a’zolari qutqaruv traplarini ishga tushirishgan. Mahalliy OAV maʼlumotlariga ko‘ra, yo‘lovchilarning 18 nafari evakuatsiya vaqtida tan jarohatlari olgan. Jami besh erkak va 13 nafar ayol kasalxonaga yetkazilgan. Qolgan yo‘lovchilar mehmonxonaga joylashtirilgan. Layner bortida jami 300 ga yaqin odam bo‘lgani xabar qilinmoqda.
Izoh (0)