Google Pixel 8 ва Pixel 8 Pro смартфонлари USB-C орқали монитор ва телевизорларга улаш ва шахсий компьютер сифатида фойдаланиш имконини берувчи DisplayПорт функциясига эга бўлади. Бу ҳақда AndroidAuthority нашри хабар бермоқда.
DisplayPort режимида Pixel 8 ва Pixel 8 Pro смартфонлари USB-C орқали нафақат видео, балки аудиони ҳам узата олади. AndroidAuthority ушбу функциядан фойдаланиш истиқболлари “чексиз” эканлигини ёзди.
Нашрнинг ёзишича, Google биринчи навбатда шахсий компьютер ўрнига смартфондан фойдаланиш имкониятини кўриб чиқмоқда. Пиксел қурилмалари аллақачон клавиатура ва сичқончани қўллаб-қувватлайди, шунинг учун уларни енгил офис ишларини амалга ошириш ва медиа файлларни очиш учун ишлатиш мумкин.
AndroidAuthority’нинг ёзишича, смартфондан шахсий компьютер сифатида фойдаланиш қулайроқ бўлиши учун Google уларга “иш столи” режимини интеграция қилиши мумкин. У Samsung DexP’га ўхшаб, Android интерфейсини сичқонча ва клавиатурани бошқариш учун мослаштириш имконини беради.
Изоҳ (0)