Shavkat Mirziyoyev 23-iyun kuni iqtisodiy taraqqiyot, samarali boshqaruv va xalqaro hamkorlik masalalari bo‘yicha maslahatchi Suma Chakrabartini qabul qildi. Bu haqda Prezident axborot xizmati xabar berdi.
Unga ko‘ra, mamlakatdagi ijtimoiy-iqtisodiy islohotlar dasturining ustuvor yo‘nalishlari, shu jumladan sog‘liqni saqlash, taʼlim, suv taʼminoti sohalaridagi yangilanishlar ko‘rib chiqildi. O‘zbekistonda investitsiya va ishbilarmonlik muhitini yanada takomillashtirish masalalariga alohida eʼtibor qaratildi.
O‘zbekistonda Xalqaro tijorat sudi faoliyatini yo‘lga qo‘yish bo‘yicha ko‘rilayotgan chora-tadbirlarning borishi hamda Jahon savdo tashkilotiga aʼzo bo‘lish yuzasidan muzokaralar jarayoni muhokama qilindi.
Izoh (0)