“Real” iyul oyidayoq “PSJ” hujumchisi Kilian Mbappeni o‘z safiga qo‘shib olishi mumkin.
El Chiringuito nashrining xabariga ko‘ra, parijliklar 24 yoshli futbolchini 200 million yevroga baholamoqda.
Madridliklar Mbappe uchun 120 million yevro to‘lashga tayyor. Ma’lum bo‘lishicha, Parij klubi talab qilgan narx berilsagina, muzokaralarga kirishadi.
Avvalroq, Kilian “PSJ” rahbariyatiga jamoa bilan shartnomani yangilamasligini aytgandi.
Eslatib o‘tamiz, 2022-yil yozida Kilian erkin agent sifatida “Real”ga o‘tishi mumkin edi, biroq so‘nggi lahzalarda “PSJ” bilan shartnomasini uzaytirib, jamoada qolishni ma’qul ko‘rgan.
Mbappe 2022/23-yilgi mavsum Fransiya chempionatida 34 ta o‘yinda ishtirok etib, 29 ta gol va 5 ta golli uzatmaga mualliflik qildi. Mavsumni to‘purar sifatida yakunladi.
Izoh (0)