Italiyaning “Jenoa” klubi o‘zbekistonlik futbolchi Eldor Shomurodov uchun kompensatsiya to‘lab berishi lozim bo‘ladi.
![](/static/photo_2023-06-22_13-11-41.jpg)
Bu haqida PFL matbuot xizmati FIFA xabariga tayangan holda ma’lum qildi. Italyan klubiga “Bunyodkor”ga 45 kun ichida mashg‘ulot kompensatsiyasini to‘lab berish vazifasi yuklandi.
Eslatib o‘tamiz, Eldor 2015-yildan 2017-yilga qadar “Bunyodkor” sharafini himoya qilgan. 2017-yildan 2020-yilgacha “Rostov”da harakat qilib, 2020-yilda Italiyaning “Jenoa” klubi safiga o‘tgan edi.
Genuyaliklar tarkibidagi bir yillik faoliyatdan so‘ng Shomurodovni “Roma” o‘z safiga qo‘shib olgandi.