Farg‘ona shahrida joylashgan ko‘p qavatli binolarning birida uy yonib ketdi. Bu haqda viloyat FVB axborot xizmati xabar berdi.
Unga ko‘ra, 21-iyun kuni soat 14:54 da Farg‘ona shahar, “Lolazor” MFY, Quvasoy ko‘chasidagi xonadonlardan birida yashash uyining 25 kv/m maydonda ichki qismi va uy jihozlari yongan. Yong‘in-qutqaruvchilari 15:06 da yetib borib, 15:09 da o‘rab olinib, 15:19 da o‘chirilgan.
Yong‘in natijasida uyning 5 qavati tutun bilan qoplangani natijasida yuqori qavatda yashayotgan ona va bola Farg‘ona shahar 1-yong‘in-qutqaruv qismi qutqaruvchilari tomonidan xavfsiz hududga olib chiqilib hayotlari saqlab qolingan. Olib borilgan tezkor chora tadbirlar natijasida uyning 45 kv/m maydoni saqlab qolingan. Hozirda yong‘inning sababi va zarari aniqlanmoqda.
Izoh (0)