Фарғона шаҳрида жойлашган кўп қаватли биноларнинг бирида уй ёниб кетди. Бу ҳақда вилоят ФВБ ахборот хизмати хабар берди.
Унга кўра, 21 июнь куни соат 14:54 да Фарғона шаҳар, “Лолазор” МФЙ, Қувасой кўчасидаги хонадонлардан бирида яшаш уйининг 25 кв/м майдонда ички қисми ва уй жиҳозлари ёнган. Ёнғин-қутқарувчилари 15:06 да етиб бориб, 15:09 да ўраб олиниб, 15:19 да ўчирилган.
Ёнғин натижасида уйнинг 5 қавати тутун билан қоплангани натижасида юқори қаватда яшаётган она ва бола Фарғона шаҳар 1-ёнғин-қутқарув қисми қутқарувчилари томонидан хавфсиз ҳудудга олиб чиқилиб ҳаётлари сақлаб қолинган. Олиб борилган тезкор чора тадбирлар натижасида уйнинг 45 кв/м майдони сақлаб қолинган. Ҳозирда ёнғиннинг сабаби ва зарари аниқланмоқда.
Изоҳ (0)