O‘zbekistonda 2023-yilning 5 oyida soliq huquqbuzarliklari haqida 61 mingdan ortiq murojaat kelib tushdi, deb xabar bermoqda Soliq qo‘mitasining “Fiskal tahlillar” Telegram-kanali.
Ma’lum qilinishicha, “Soliq” mobil ilovasining “Soliq hamkor” tizimi orqali soliq huquqbuzarliklari haqida kelib tushgan 61 286 ta murojaatdan:
- 57 202 tasi xarid cheki bermaslik;
- 2 435 tasi to‘lovni plastik karta orqali qabul qilmaslik;
- 97 tasi plastik karta uchun xarid summasini oshirish;
- 1 552 tasi boshqa turdagi huquqbuzarlik holatlari bo‘yicha.
Murojaatlarning 34 412 tasi takroriy bo‘lganligi yoki shikoyat kelib tushgan tadbirkorlik subyektida tekshiruv davom etayotgani sababli qaytarilgan.
Murojaatlar asosida 22 569 ta sayyor soliq tekshiruvi o‘tkazilib, 99,6 foiz holatda huquqbuzarlik tasdiqlangan.
Natijada, huquqbuzarlik holatlari bo‘yicha xabar bergan fuqarolarga 2023-yil davomida to‘langan mukofot summalari 21 942 ta holat bo‘yicha (undirilgan jarima summasidan 20 foiz) 10,9 milliard so‘mga yetdi.
Izoh (0)