Ugandada “Islom davlat”iga aloqador jangarilar mamlakat g‘arbidagi maktabda 37 kishini o‘ldirdi. Bu haqda armiya va politsiya vakillariga tayanib, AFP xabar bermoqda.
Kasese okrugidagi Mpondve shahridagi o‘rta maktabga hujum 16-iyun kuni kechki payt sodir bo‘ldi.
Endilikda jangarilar harbiylar tomonidan ta’qib qilinmoqda. Uganda xalq mudofaa kuchlari matbuot kotibi Feliks Kulayigyening ma'lum qilishicha, maktab hududidan topilgan 37 nafar jasad Bvera kasalxonasidagi “morg”ga olib ketilgan.
Kasese komissari Jo Valusimbi o‘lganlarning kamida 25 nafari "maktab o‘quvchilari" ekanligini tasdiqlagan.
Bu hujum 2010 yilda Kampalada 76 kishining hayotiga zomin bo‘lgan ikki portlashdan beri Ugandadagi eng qonli hujum bo‘ldi.
Izoh (0)